Waxbarashada Dhallinta da,da yar iyo Kaalinta waalidka

 Talo Guud

 Sidee ayaan, haddii aan nahay waalidka ajnabiga, u garab istaagi karnaa dhallaankeena (caruurteenna) si ay u helaan waxbarasho u horseedda nolol wanaagsan oo ay ka helaan waddankan Danmark?  

      Waalidku waxay kaalin muhiim uga jiraan nolosha iyo horumarka carruurta. Sidaa owgeed kaalmada waalidka qiimo weyn ayay ugu fadhidaa mustaqbalka carruurta.  

      Waa muhiim in aan waalid ahaan la soconno iskuulka carrurteena iyo horumarka waxbarashadooda si aan u taageerno.  

      Maadaama aan ka kala nimi waddamo ku kala duwan nidaamka waxbarashada, waa muhiim in aan wax ka ogaanno nidaamka waxbarashada deenishka.  

      Kulamada uu iskuulku ugu yeero waalidka waxaa ku jira warbinno muhiim ah, kuwaasa ka warbixiya sida ay waxbarashadu u socoto iyo sidii aad ula socon laheyd waxbarashada ilmahaaga. Sidaa owgeed waa in aan ka qeyb qaadanno kulamadan. Haddii ay luqaddu kugu adagtahay waxaad xaq u leedahay in laguu qabto turjubaan  

      Waa in aan iskuulka ula shaqeynaa si firfircoon, oo aan aqbalnaa talo bixinta ay soo jeediyaan macallimiinta carruurta wax u dhigta.  

      Waa in aan akhrinnaa waraaqaha laga soo diro iskuulka. Waxaan codsan karnaa in loo tarjumo luqaddeenna hooyo.  

      Mararka qaarkood carrrurteenu waxay illoobaan ama iska dhaga tiraan in ay gaarsiiyaan waalidkood warqadda laga soo diray iskuulka. Sidaa owgeed waalidku waa in ay mar mar eegaan boorsada iskuulka, weydiiyaanna ardayga in iskuulka uu warqad u soo dhiibay.  

      La socod maalmeed ku saleysan su’aalo in ilmuhu wax ka soo bartay iskuulka ama in ay la kulmeen wax dhibaata ah oo ku saabsan maadooyinka loo dhigo,  waa muhiim si loo sameeyo xiirir wanaagsan.  

      Waa in aan ku kaalmeynaa ilmaha in ay helaan wakhti ay ka shaqeeyaan howsha iskuulka looga soo diray, waa in aan u habeynaa qol ama meel fiican oo ay waajibkooda ku gutaan.  

      Waa in aan ka kaalmeyno carrurteena shaqada guriga ee iskuulka looga soo diro. Haddii aanan kaalmeyn karin waa in aan weydiinnaa xarumaha arrintan wax nagala qaban kara, sida iskuulka, maktabadda iyo ururada ka jira xaafadda aad deggen tahay.  

      Waa in aan xoogga saarnaa waxbarashada carruurteena iyo ku adkeynta in warbarashadu ay muhiim tahay. Waa jidka tooska ah ee loo mari karo mustaqbal dhab ah, gaar ahaan annaga oo ah dad ajnabi ah.  

      Waxaa mihiim ah in aan carrurteena weydiinno ulajeedada ay leeyihiin iyo mustaqbalkooda. Waa in aan maskaxdooda ku adkeynaa, kuna dhiiri gelinnaa in ay gaaraan barta ay tiigsanayaan.  

      Waa in aan magacownaa dhalin yaro iyo carruur kale oo ay u suurta gashay in ay mustaqbal fiican sameystaan, aanan ku dhiiri gelinnaa in wadadaas oo kale ay raacaan.  

      Sidoo waa in aan isticmaalnaa dhacdooyinka ku ssaabsan dhallinyarada aan waxba baran oo wakhtigooda dayaca, aakhirkana noqda kuwa lumiya fursadaha ay ku leeyihiin bulshada.  

      Waxaa muhiim ah in aan si fiican ula soconno awoodda waxbarasho ee ilmaheenna si aan ugu hagno waxbarasho ay ka baxi karaan.  

      Waxaan ka ogaan karnaa jidka waxbarasho ee u ilmaheenu doortay haddii aan weydiinno lataliyaha waxbarashada ee jooga iskuulka.  

      Ogoow waa muhiim in la ogaado, in shaqada la taliyaha iskuulka ay tahay in uu talo siiyo ardayga kuna kaalmeeyo sidii uu ardaygu u dooran lahaa waxbarasho ku habboon. Go,aanka kama dambeysta ah waxaa leh ardayga iyo waalidka.  

      Waa in aan ku kaalmeynaa inlaheenna in ay wakhtiga iskuulka  ilaaliyaan. Wakhtiga waxaa kale oo uu muhiim u yahay suuqa shaqada, halkaasoo ay wakhti ilaalintu aad u adagtahay.  

      Waa in aan ka qeyb qaadannaa dhaqdhaqaaqyada uu iskuulku diyaariyo. Waxay xoojineysaa wada shaqeynta iyo kalsoonida ka dhaxeysa waalidka, macallimiinta iyo iskuulka.  

      Luqadda deenishku waa furaha fursadda waxbarashada iyo shaqada.Horumar la,aaanta badanaa waxay ku saleysan tahay luqadda oo liidata. Sidaa owgeed waxaa lagama maarmaan ah i carruurtu ay tagaan xarumaha la tago iskuulka kadib, akhriyaan buugaag, gaar ahaan kuwa qadiimka ah, daawasho barnaamijyo cilmiyeed iyo kuwo saabsan taariikhda.  

      Waa in aanan carruurta hortooda iskuulka wax xun ka sheegin, xataa haddii aan xaq  sheegeyno, sabatoo ah waxay saameyneysaa caruurta.  

      Waxaa muhiim ah in aan kala qeyb qaadanno caruurta kulamo sanadeedka la qabto ee ku saabsan doorashada waxbarashada iyo shuruudaha la iska rabo. 

      Hadii aan carruurta abaal marinno waxay ku dhiiri gelineysaa in ay ku dadaalaan iskuulka.  

      Waa in aan isticmaalnaa wax walba oo gacanteena ku jira.  

      Warbarashadu waxay muhiim u tahay mustaqbalka caruurteenna. Hadii arrintan aanan gacan ka geysan, waxaa yaraanaya fursadda ay ku gaari karaan jidka saxa ah.